தமிழர் வழிபாட்டு மையம்

நமது வழிபாட்டு விழுமியங்களையும், அடையாளத்தையும் அடுத்த தலைமுறைக்குக் கடத்துவதற்காக உருவாக்கப்படும். இந்த உன்னத முயற்சி, 2023 சித்திரை மாதம் முதல் உத்வேகத்துடன் தொடங்கி நடைபெற்று வருகிறது. கடந்த காலங்களில் பல தடைகள், சவால்கள் மற்றும் முட்டுக்கட்டைகள் வந்தபோதிலும், எமது இலட்சியத்தில் உறுதியாக இருந்து தொடர்ச்சியாகப் பணியாற்றி வருகிறோம். இது வெறும் கட்டடம் அல்ல; இது காலத்தின் கட்டளை.

பகுதி 1: ஏன் எமக்கு ஒரு நிரந்தரமான இடம் தேவை?  

1.இந்த மையத்தின் அடிப்படை நோக்கம் என்ன?

நாம் யோக்சியர் மண்ணில் பல தசாப்தங்களாக வாழ்ந்து வருகிறோம். கடினமாக உழைத்திருக்கிறோம், தனிப்பட்ட முறையில் வீடுகளைக் வாங்கி இருக்கிறோம், நம் பிள்ளைகளை உயர்தரக் கல்வியில் உயர்த்தியிருக்கிறோம். ஆனால், இத்தனை காலத்திற்குப் பிறகும், “எமது தமிழ்ச் சமூகத்தின் அடையாளமாக ஒரு இடம்” என்று பெருமையுடன் சுட்டிக்காட்ட ஒரு நிரந்தரமான முகவரி நமக்கில்லை என்பதுதான் கசப்பான உண்மை.

நாம் ஏன் இப்போது இதைச் செய்ய வேண்டும்?

புலம்பெயர்ந்த தேசங்களில் வாழும் தமிழர்களின் ஆன்மீகத் தேவையைப் பூர்த்தி செய்வதோடு, நமது தனித்துவமான பண்பாட்டு விழுமியங்களைப் பாதுகாப்பதே இதன் நோக்கம். மத வேறுபாடுகளைக் கடந்து, ‘தமிழர்’ என்ற ஒற்றை அடையாளத்தின் கீழ் அனைவரையும் ஒன்றிணைக்கும் மையமாக இது அமையும்.

அத்தோடு, அடுத்த தலைமுறை தமது வேர்களைத் தொலைத்துவிடாமல் பிடித்துக் கொள்ள ஒரு பிடிமானம் தேவை. நமது மொழி, கலை, பண்பாடு மற்றும் வழிபாட்டு விழுமியங்களை அவர்களுக்கு ஒரு பாடமாகச் சொல்லிக் கொடுப்பதை விட, ஒரு வாழ்வியலாகக் கடத்த வேண்டும். அதற்கு ஒரு நிரந்தர மையம் காலத்தின் கட்டாயம்.

 “நாளை நமது பிள்ளைகள் தங்களின் பூர்வீகத்தைப் பற்றித் தேடும்போது, அவர்களுக்குக் காட்ட ஒரு திசை வேண்டும். அந்தத் திசையையும் அடையாளத்தையும் உருவாக்கித் தரும் வரலாற்றுப் பொறுப்பு நம் கைகளில் உள்ளது. வாருங்கள், இணைந்து ஒரு நிரந்தர அடையாளத்தை உருவாக்குவோம்!”

2. ஏன் இங்கு முருகன் கோயிலும், மாதா சிலையும் அமையப் பெறுகின்றன?

 * முருகன்: சங்க காலம் தொட்டு தமிழர்களின் தனித்துவமான இறைவனாகவும், வீரத்தின் அடையாளமாகவும் திகழ்பவர்.

 * மாதா: ஈழத்துத் தமிழர்களிடையே (கிறித்தவர் மட்டுமன்றி பிற மதத்தினரும்) ‘தாய்’ என்ற உறவில் வழிபடப்படுபவர்.

 * ஒருங்கிணைப்பு: தமிழர்களின் பன்முகத்தன்மையை அங்கீகரிக்கும் வகையில், ஒரே வளாகத்தில் முருகன் கோயிலும் அதற்கு வெளியே மாதா சிலையும் அமையவுள்ளன.

3. முள்ளிவாய்க்கால் நினைவுத் தூபி எதற்காக?

தமிழர் வழிபாடு என்பது பண்டைக்காலம் தொட்டு ‘நடுகல்’ வழிபாட்டிலிருந்து தோன்றியது. போரில் வீரமரணமடைந்தோரையும், முன்னோர்களையும் வழிபடுவது நமது மரபு. அந்த வகையில், ஈழப்போரில் உயிரிழந்த பொதுமக்களுக்கு மதிப்பளிக்கவும், அவர்களை நினைவு கூரவும் இந்தத் தூபி அமைக்கப்படுகிறது.

பகுதி 2: நிர்வாகக் கட்டமைப்பு – Community Benefit Society (CBS)

4. CBS என்றால் என்ன?

இது “மக்களால், மக்களுக்காக நடத்தப்படும் ஒரு சமூகக் கூட்டுறவு அமைப்பு”. இது தனிநபர் லாபத்திற்காக அல்லாமல், ஒரு சமூகத்தின் பொது நலனுக்காகச் சொத்துக்களை நிர்வகிக்கும். இது பிரித்தானியாவின் FCA (Financial Conduct Authority) அமைப்பால் கண்காணிக்கப்பட்டு முறைப்படுத்தப்படுகிறது.

5. ஒரு சில தனிநபர்கள் வாங்குவதை விட, மக்களின் பங்களிப்புடன் (CBS) வாங்குவதன் நன்மைகள் என்ன?

 * அதிகாரக் குவிப்புத் தவிர்ப்பு (Anti-Monopoly): நிர்வாகம் ஜனநாயக முறையில் நடக்கும். “யாரும் ஒரு தனி முதலாளி அல்ல” என்பதே இதன் பலம்.

 * நிரந்தரப் பாதுகாப்பு (Asset Lock): தனிநபர்கள் சொத்தை விற்க முடியாது. காலங்கள் கடந்தாலும் அது தமிழ்ச் சமூகத்திற்கே சொந்தமானது.

 * சமூகப் பிணைப்பு: “இது என் மையம்” என்ற உணர்வு ஒவ்வொரு குடும்பத்திற்கும் ஏற்படும்.

 * வெளிப்படையான நிர்வாகம்: ஒவ்வொரு ஆண்டும் பொதுக்குழுவில் கணக்குகள் சமர்ப்பிக்கப்பட்டு, சட்ட ரீதியான தணிக்கைக்கு (Audit) உள்ளாக்கப்படும்.

பகுதி 3: சட்டப் பாதுகாப்பும் யாப்பும் (Constitution)

6. FCA-விடம் பதிவு செய்வதால் ‘யாப்பு’ (Constitution) சட்ட ரீதியாக அங்கீகரிக்கப்படுகிறதா?

ஆம். ஒரு CBS அமைப்பை உருவாக்கும்போது, அதன் ‘யாப்பு’ (Rules) எனப்படும் விதிமுறைகளை FCA பரிசோதித்து அங்கீகரிக்கிறது.

 * சட்ட ரீதியான அந்தஸ்து: பதிவு செய்யப்பட்ட யாப்பு என்பது ஒரு சட்டப்பூர்வமான சாசனம். எவரேனும் விதிகளுக்குப் புறம்பாகச் செயல்பட்டால், சட்டப்படி கேள்வி கேட்க முடியும்.

 * மாற்ற முடியாத பாதுகாப்பு: யாப்பில் உள்ள முக்கிய விதிகளை (உதாரணமாக: Asset Lock) தனிநபர்கள் தன்னிச்சையாக மாற்ற முடியாது.

 * நம்பகத்தன்மை: அரசு அங்கீகாரம் பெற்ற யாப்பு இருப்பதால், அரசு நிறுவனங்களிடம் நிதி உதவி (Grants) பெறுவது எளிது.

பகுதி 4: முதலீடு மற்றும் லாபம்

7. இதில் முதலீடு செய்வதால் எனக்கு என்ன நன்மைகள்?

சம உரிமை (One Member, One Vote): நீங்கள் £1,000 முதலீடு செய்தாலும் அல்லது £10,000 செய்தாலும், வாக்கெடுப்பின் போது அனைவருக்கும் சமமான ஒரு வாக்கு மட்டுமே உண்டு. இது செல்வந்தர்கள் மட்டும் அமைப்பைக் கட்டுப்படுத்துவதைத் தவிர்க்கிறது.

நிர்வாகத் தெரிவு (Democratic Control): இந்த மையத்தை வழிநடத்தப் போகும் நிர்வாக அதிகாரிகளை (Board of Directors) நீங்களே வாக்களித்துத் தேர்வு செய்ய முடியும். இதன் மூலம் தகுதியானவர்கள் கையில் நிர்வாகம் இருப்பதை நீங்கள் உறுதி செய்யலாம்.

நிர்வாகத்தில் பங்கேற்கும் உரிமை: ஒரு பங்குதாரராக, இந்தச் சமூகப் பணியில் உங்களுக்கு ஆர்வம் இருந்தால், நீங்களும் நிர்வாக அதிகாரி பதவிக்குப் போட்டியிட முடியும். சமூகத்தின் மீது அக்கறை கொண்ட எவரும் தலைமைப் பொறுப்பிற்கு வர இதில் வழிவகை செய்யப்பட்டுள்ளது.

வரையறுக்கப்பட்ட பொறுப்பு (Limited Liability): இந்த அமைப்பு ஒரு தனி நபரைப் போலச் சட்ட ரீதியாகச் செயல்படும். ஒருவேளை அமைப்பு கடன் சுமைக்கு உள்ளானால், பங்குதாரர்களாகிய உங்கள் தனிப்பட்ட சொத்துக்களுக்கோ அல்லது வங்கி கணக்குகளுக்கோ எந்தப் பாதிப்பும் ஏற்படாது.

சொத்துப் பாதுகாப்பு (Asset Lock): அமைப்பின் சொத்துக்கள் “Asset Lock” செய்யப்படுவதால், எதிர்காலத்தில் யாராவது ஒரு குழுவினர் இந்தச் சொத்தை விற்று அந்தப் பணத்தைத் தங்களுக்குள் பிரித்துக்கொள்ள முடியாது. இது தலைமுறை கடந்தும் தமிழ்ச் சமூகத்தின் சொத்தாகவே இருக்கும்.

வரிச் சலுகைகள் (Tax Benefits): இது ஒரு தொண்டு நிறுவனம் (Charitable status) போலச் செயல்பட அனுமதி உண்டு. இதன் மூலம் அரசாங்கத்திடம் இருந்து Gift Aid போன்ற சலுகைகளைப் பெற முடியும்..

8. இந்த அமைப்பில் சேரும் லாபம் யாருக்குச் செல்லும்?

இந்த அமைப்பின் மூலம் ஈட்டப்படும் லாபம் தனிநபர்களுக்குப் பிரித்துக் கொடுக்கப்படாது. அது மீண்டும்:

 * மையத்தின் வளர்ச்சிக்கும்,

 * சமூக நலத் திட்டங்களுக்கும் மட்டுமே பயன்படுத்தப்படும். இது ஒரு “லாப நோக்கமற்ற சமூகக் கூட்டுறவு” ஆகும்.

9. இதில் உள்ள சவால்கள் (Risks) என்ன?

 * பணத்தை உடனே எடுக்க முடியாது: இது நீண்ட கால முதலீடு. சங்கம் லாபம் ஈட்டும் போது மட்டுமே பணத்தை மீளப் பெற முடியும்.

 * வட்டி கிடையாது: இது ஒரு சேவை மனப்பான்மையுடன் செய்யப்படும் முதலீடு.

மக்களுக்கான இறுதிச் செய்தி:

“CBS என்பது நாம் அனைவரும் இணைந்து ஒரு பெரிய சொத்தை வாங்குவதற்கான வழி. இதில் நீங்கள் வெறும் பங்குதாரர் மட்டுமல்ல, இந்தச் சமூகச் சொத்தின் பாதுகாவலர். உங்கள் பணம் பாதுகாப்பானது, இது ஒரு நீண்ட காலப் பொதுநல முதலீடு.”

பகுதி 5 : நிதி மேலாண்மை மற்றும் பாதுகாப்பு (Financial Security & Transparency)

மக்கள் வழங்கும் ஒவ்வொரு துளிப் பணமும் பாதுகாப்பானது என்பதை உறுதிப்படுத்த பின்வரும் நடைமுறைகள் பின்பற்றப்படும்:

1. நோக்கத்திற்கானப் பயன்பாடு (Restricted Fund)

தமிழர் வழிபாட்டு மையத்திற்காகச் சேகரிக்கப்படும் அனைத்துப் பணமும், அந்த நோக்கத்திற்காக மட்டுமே பயன்படுத்தப்படும். வேறு எந்தப் பொதுச் செலவுகளுக்கோ அல்லது நிர்வாகச் செலவுகளுக்கோ இந்தப் பணம் மாற்றப்படாது.

2. தனித்துவமான வங்கிக் கணக்கு (Dedicated Account)

இப்பணம் யோக்சியர் தமிழ்ச் சமூகத்தின் (Yorkshire Tamil Community) பிரத்யேகச் சேமிப்புக் கணக்கில் பாதுகாப்பாக வைக்கப்படும். இது ஏனைய பொது நிதிப்பங்களிப்புகளில் இருந்து தனிமைப்படுத்தப்பட்டுப் பராமரிக்கப்படும்.

3. வெளிப்படைத்தன்மை (Transparency)

நிதியின் நிலை குறித்து மக்களுக்கு ஐயம் ஏற்படாத வண்ணம், ஒவ்வொரு மாதமும் வங்கி நிலுவைத் தொகை அறிக்கை (Monthly Bank Balance Statement) சமர்ப்பிக்கப்படும். இதன் மூலம் பண இருப்பு மற்றும் அதன் வளர்ச்சியை எவரும், எப்பொழுதும் சரிபார்த்துக்கொள்ள முடியும்.

4. காலக்கெடு மற்றும் பணத்தைத் திரும்பப் பெறுதல் (Refund Policy)

திட்டமிட்டபடி 3 ஆண்டுகளுக்குள் தமிழர் வழிபாட்டு மையத்தை அமைக்க முடியாமல் போனால், சேகரிக்கப்பட்ட நிதி முழுவதும் எவ்விதத் தாமதமுமின்றி மீண்டும் உரியவர்களின் வங்கிக் கணக்கிற்கே (Original Donors/Shareholders) நேரடியாக மாற்றப்படும். 

எமது வரலாற்றுப் பயணத்தில் நீங்களும் இணையுங்கள்!

நமது முன்னோர்கள் கல்வெட்டுகளில் வரலாற்றைப் பொறித்தது போல, இந்த மையத்திற்காகப் பங்களிக்கும் ஒவ்வொரு உறவின் அடையாளமும் இங்கே அழியாமல் பாதுகாக்கப்படும்.

பங்களிப்பு வழங்கும் உரிமையாளர்களின் பெயர், பிறந்த ஊர் மற்றும் பங்குகளை வாங்கிய ஆண்டு ஆகியவை வெள்ளித் தகட்டிலோ அல்லது செப்புத் தகட்டிலோ செதுக்கப்பட்டு, முருகன் கோயில் சுவரில் நிரந்தரமாகப் பதியப்படும்.

உங்களது பேரப்பிள்ளைகளோ அல்லது அவர்களுக்கு அடுத்த வரும் பல தலைமுறையினரோ, பல தசாப்தங்கள் தாண்டித் தங்கள் வேர்களைத் தேடி வரும்போது, இந்தத் தகடுகள் அவர்களுக்கு ஒரு “வரலாற்று முகவரியாக” அமையும்.

எனது பாட்டன்/பூட்டன் இந்த மண்ணில் எமது அடையாளத்தை நிலைநாட்டப் பாடுபட்டார்” என்ற பெருமிதத்தை இது அடுத்த தலைமுறைக்கு வழங்கும்.

2023 சித்திரை முதல் நாம் கண்டுவரும் இந்தக் கனவு நனவாக உங்கள் பங்களிப்பு மிக அவசியமானது. ‘யோக்சியர் தமிழ்ச் சமூகம்’ (Yorkshire Tamil Community) வங்கிக் கணக்கில் தங்கள் பங்களிப்பைச் செலுத்தத் தொடங்குமாறு அன்புடன் கேட்டுக்கொள்கிறோம்.

 £1000  உங்களது ஒரு பங்கு. ஆனால், இது வெறுமனே ஒரு பணம் அல்ல.நீங்கள் வழங்கும் இந்தச் சிறு துளி, உங்களது பேரன், பூட்டன் மற்றும் பல தலைமுறைகள் தாண்டியும் எமது மையத்தில் உங்களது உரிமையையும் உரித்து உடமையையும் பறைசாற்றும்.

வங்கி விவரங்கள் (Bank Details):

Account Name: Yorkshire Tamil Community Ltd

Sort Code: 56-00-66

Account No: 37317288

நன்றி,

நிர்வாகம் 

யோக்சியர் தமிழ்ச் சமூகம்